Network Topology

Nasa kalagitnaan ako ng pag Cocode ko sa hinayupak na system namin ng biglang lumapit ang isang ka officemate ko.. at sinabing "Rolz, kailangan ko ang plano mo sa cable ng internet ntin".

Holy Cat!

Lilipat na kasi kame ng office, at ngayon lang nila sinabi sa akin na ang gagawing internet connection namin ay cable na at hindi na WIFI, hinayupak.. ok naman sa akin mag cable kasi napag aralan ko na naman yun.. kaso web developer ang position ko ndi network administrator saka sobrang matrabaho yun ah.. tapos ang laki pa ng bagong office na pag sesetupan ko nun.. hinayupak tagala!


Pero eto wala na kong magagawa kaya nag umpisa na kong burarain ang plan nila haha bahala sila basta dapat nsa tabi ko yung isang modem para sa mga maiitim kong balak (devil) bwahahaha.

Tinatamad Ako

Tinatamad ako dahil...

Meow..

Nawawala ang pusa ko...

Ang pusa na lagi kong kausap...

Ang pusang mahal na mahal ko...

Ang pusang antukin na lagi akong tinutulugan...

Ang pusang nagpapasaya sa akin araw araw...





_________________

Hindi ko alam kung ano ang nangyare sayo, kung bakit ka nagkaganyan sa akin, hanggang ngaun hindi ko pa din maintindihan dahil hindi ko kayang tanggapin ang napakaliit mong rason na yan.

ilang linggo na ang nkalipas, iba't ibang uri na ng pang uuto ang ginagawa ko na sa sarili ko boss. pero sa tuwing naalala kita natatanga nanaman ako.

ano ba ginawa mo sa akin boss.


bumalik kana..


sana umuwi na ang pusa ko sa bahay na ginawa ko para sa kanya.


boss sige na.

Twenty FourTEEN

Ito ang CAKE ko last year sa office - lalaking lalaki ang porma diba? musta nman teh ang plawers? bongaloo itechie

Sa susunod na sabado na pala ay birthday ko nanaman tatanda nnman ako hay.. ilang taon na nga ba? twenty fourTEEN alteast teen pa din haha 3:)

Gusto kong maghanda, gusto ko din gumala, gusto kong magliwaliw at mag tumbling sa isang masayang lugar.. hindi ko pa alam kung ano gagawin ko sa susunod na sabado.. pero malamang sa GUGUSTUHIN ko lang ang mga yan hehe :p


ang tagal ko nang gustong icelebrate ko ng bongga pero wala e mahirap at malaking pamilya kasi kami e.. at may mga bagay akong mas ipriority  hehe.. pero ok lang may next time pa naman e.. pag ok na kami saka nalang ako babawi sa sarili ko.. haha basta ngayun ang goal ko e maiready ang pang enroll ng dalawa kong kapatid.. (woo gudlak sken). kung dati isa lang ang kolehiyo kong pinag aaral e ngarag na ko lalo pa ngayung dalawa na si OMG (Oh My Goku). pero kaya yan.. gaya nga ng lagi kong sinasabi sa lahat ng kaibigan ko.. dapat lagi tayong POSITIBO hehe.. yan lang eh.. hay kayang kaya ihyan.


Siguro ang mangyayare lang sa birthday ko, bka bumili na lang ako ng ice cream para sa amin sa bahay haha tapos ano pa ba? ahmm makikipag kulitan sa mga pamangkin ko (Maglalaro ulit kme ng patagalan ng hindi magsasalita, lagi nmang ako ang nananalo).



Ayun lang.. naisipan ko lang mag post ngayon kasi hindi pa din ako natutulog kahit galing na ko sa work at naglakbay ng tatlong oras mahigit pauweng bulacan. alas-4 na ng madaling araw pero dilat na dilat pa din ang naghuhumiyaw kong mata (at mala maletang eyebags). yung birthday ko kasi laging sumasagi sa isip ko buhat knina kaya ayan post nlng para matigil na sya.


Ay muntik ko na makalimutan.. ka Birthday ko pala si Gloria Macapagal Arroyo, haha wala lang share lang.

General in the Middle?

May nagtanong sa akin kung bakit daw "General in the Middle" ang title ng blog ko... actually gumana kasi yung automatic pop-up ng kokote ko kaya ganyan yan .. ganto kasi ang kwento nyan


(Parang ang hirap ipaliwanag neto ah.. hehe pinag sama samang pangyayare kasi sa buhay ko ang naging dahilan)

Una : Google Keep - isa syang apps na pwede mong iinstall sa Android phone mo (hindi ko alam kung available dn sa iOS wala kasi akong ganun). pwede kang mag save ng mga notes mo d2 sa app na to then pag nag ka connection ka ng internet automatic nag sync sya sa google account mo.. gamit na gamit ko ang app na yan pramis.. dyan ko sine-save lahat ng lyrics, quotes na napulot ko (internet, books, TV series, movies) , mga dapat kong gawin, number sa lotto na gusto kong tayaan, at kung ano ano pa.. maganda kasi pag nag save ako ng note sa pc automatic nsa phone ko na agad tpos pwede ko agad iGM sa mga friends ko lols (uso pa ba ang GM? or ako nlng gumagawa nun).

ang haba ng paliwanag ko, pero eto ang kinalaman nya sa General in The Middle : Bigla ng pop-up sa kokote ko na kung ano ang makikita ko sa sandamukal kong notes sa Google Keep ko yun ang gagawin kong Title ng blog ko. Oh ayan ang kinalaman nya...

Pangalawa : Hunter X Hunter,anime to na isa sa mga favorite ko, ginawaan kasi sya ng remake nung 2011 pa kaya sinubaybayan ko ulit.. at ngaun lagpas na yung episode nya sa naunang version.. nsa chimera ants na sila sa mga oras na to..  haha jan ko napulot. yung general in the middle, sa pag kakatanda ko na note ko yung General in the middle sa episode na nakikipag laban yung King Chimera at si Komugi (yung babaeng hindi nya matalo sa prang chess na game pero hindi ko alam ang tawag) tapos nakita ko sa subtitle General in the middle daw after nya gawin yung move nya.. pag kakita ko plang parang may nag *plok* (sound effect ng popup brainie ko) na sa kokote ko at agad ko syang isinave sa google keep ko..

Pangatlo : naisipan kong gumawa ng bagong blog.

ayan.. ganyan ang kwento ng title ng blog ko.. hehe



(masaya kasi kung laging nasa gitna ka lang ng mga bagay bagay sa buhay, hindi ka magmamataas at hindi ka din magiging sobrang baba. sakto lang :p
)

Promote

Hindi ko alam kung matutuwa ba ako sa promotion na ito or hindi.. matutuwa ako kasi taas ulit ang sweldo ko.. kaso nalulungkot din ako kasi siguradong sobrang daming task na babagsak sa akin.. haha saka parang may sumpa na kasi ang mga IT head dito sa office namin.. lahat ng IT head na chuchugi sa work.. siguro gusto na nila din ako ma chugi.. ako na kasi ang pinaka nag tagal na IT dito mag 2 years na ko.. ako ang record holder haha.. 

bahala na siguro si Super Saiyan 3 na Goku, sana magampanan ko ang mga bago kong tungkulin.. :) 

Nasa Paligid lang Sila

Mahilig ako mag basa ng mga may temang magic na libro at syempre isa din ako sa mga "PotterHeads" sa planeta. At minsan meron talagang mga ideang sumusulpot sa weirdo kong utak hehe..

Madalas itong nangyayare sa akin.. bakit kaya ganun minsan yung mga Character sa Book feeling ko nakakasalamuha ko sa tunay na buhay... hehe minsan nakakasalubong ko, minsan nman nakakasabay ko sa bus or jeep, minsan nga kausap ko pa e... automatic talagang akong na kakapag tag ng mga Character sa mga tao.. na parang may nakaready akong listahan ng mga karakter sa utak ko na kapag nakakita ako ng tao bigla kong nalalagyan ng imaginary name tag sila tapos kada makikita ko sila yung imaginary name tag lage ang nakikita ko.. haha..

Bigla ko lang gustong ipost to kasi nman kahapon may dumating na babae d2 sa office, hinire sya ng boss ko para mag translate ng mga spanish na documents to English para mabasa ng mga kasama ko d2..

Nakakatuwang isipin na Nasa paligid lang din natin yung mga character na gawa gawa lang ng sobrang malilikhaing Author hehe..

Ayun lang.

Sakuragi Ears Mode

"Sakuragi Ears Mode"

yan ang nangyayare kay sakuragi kapag na didinig nya si Haruko.. Lumalaki ang tenga nya at naka focus lang sa boses ni Haruko.. Yang din ang itinawag namin ng bestfriend kong si Mac kapag nakikinig kami ng tsimis or kahit ano pang topic sa paligid.. pero hindi naman syempre lumalaki ang tenga namin!, masyado naming na enhance ang kakayahan naming ito. kahit naka upo lang kami automatic na siyang gumagana agad, kahit pa busy kami sa aming ginagawa aware pa din kami sa nangyayare sa paligid namin dahil naka passive na skill na namin ang "Sakuragi Ears Mode".

Section 1 ang STAR Section

Ang kwento ko naman ngayon ay isa sa pinaka epic na nangyare sa akin ako'y elementarya pa lamang. Ito ang kwento kung bakit tuwang tuwa sa akin sina nanush(nanay) at tatush(tatay) at kung bakit ako nalipat sa Star section nung grade 2 ako.

Pero bago yan balikan muna nating ang grade 1, noong grade one ako mayroon akong sariling mundo, naiimagine ko ang mga daliri ko na pra silang may sariling buhay, yung tipong yung hintuturo at hinlalato ko ang mga paa at iniimagine kong laruan tapos pinagsasabong yung dalawang kamay ko at nakakabuo ako ng magandang ending sa laban nila (sa isip ko lang). Masaya na ko sa ganun laro noon. Mahirap lang kasi kami at hindi ako madalas nabibili ng laruan ni nanush, kaya ok na sakin ang malawak kong imahinasyon. Wala pa sa isip ko nun ang mag aral. Kasi nman ang ginagawa lang sa school ay mag basa ng

"ba", "be","bi", "bo", "bu"
 at
"ka", "ke", "ki", "ko", "ku",

tapos kakanta kanta lang. Nako la wents. Yung utak ko kasi nun pang algebra na.. yung malalalim na formulas and logic... hahah joke lang! Haha ang totoo nyan grade 6 na ko natutong magbasa ng tuwid. pwera biro grade 6 na ko natuto tapos tagalog lang ang kaya kong basahin haha.

Nung grade 1 ako laging 0 ang score ko..as in consistent na 0.. ang hirap kaya imaintain ng ganung score. Haha.. kaya ang bagsak nung nag grade 2 ako nsa section 2 ako.

Tinatanong mo kung bakit section 2 lng at hindi last section which is the section 3? E kasi kahit papano tahimik nman ako sa klase at yung teacher namin nung grade 2 ay lola ko. Feeling ko kinuha nya talaga ako para parusahan kasi apo nya ako tapos puro 0 ang score ko. Hay bakit kaya walang napproud sakin e consistent naman ang score ko. Haha.

So nagtataka na ba kayo kung pano ako napunta sa star section? Haha ok sige eto na ang kwento ko.

Ang lola/teacher/adviser ko nung grade 2 ay uugod ugod na, may salamin at malabo na ang mata (natural naka salamin nga eh)  kaya wala sya masyadong pinapagawa sa amin kung di mag basa lang ng walang kamatayang "ba", "be","bi", "bo", "bu" at "ka", "ke", "ki", "ko", "ku"... pero this time may twist and turn na sya.. with matching

"ba" "ba" - "babae",
"be" "be" - "bebe"..

wag na nating paabutin ng ka ke ki ko ku baka may masabi lng akong green. Haha

Edi ayun na nga. Mahilig din ang ang lola ko magpa kabisado ng mga tula, english man or tagalog.. kung saan mejo may interest ako. hindi ko alam kung si goku pa dn ung sumanib sa akin kasi alam ko si goku bobo dn e.. sino kayang anime character ang sumanib sa akin ng panahon na yon at nakahiligan ko magkabisa. Hindi pa din ako sanay magbasa non, basta sinusundan ko lng kung ano ang sinasabi ni lola and inuulit ulit ko lang tapos nag pprepretend akong sinusundan yung nakasulat sa libro.

Then eto na..

One time biglang may dumating na ibang teacher. Ang taba nya at ang kapal ng pulang lipstick nya.. at ang eye shadow havey mukang shadow tlga. Bata palang ako kilala ko na ang itsura ng masungit at hindi... pag singkit ang mata masungit yun pag malaki ang sobrang babait nun (bute nalang malaki mata ko). E singkit yung babae kaya alam kong masungit sya

Ang sabi ni lola kaya daw nandun si lipstick woman este teacher pla dahil pababasahin daw nya kami isa isa at titignan kung qualify kming ilipat ng section. (Mukang nakukuha nyu na kung pano ko nalipat pero mali kayo!basahin nyo pa). Napag alaman ko mula sa katabi kong kaklase na yun daw ang kilabot na adviser ng section 1. Masaya na ko sa buhay ko sa section 2 kasi doon meron bigla nalang iiyak kapag hindi nakikita ang nanay sa labas ng bintana, meron dn nman bigla nalang gumagawa ng laguna lake sa sahig. At madami ding nakatulala lang sa labas at nag aantay ng uwian (at isa ko sa kanila). Masaya na talaga ako dun, normal para sa akin.

Pinabasa na kami isa isa ng mga kaklase ko.. nagsimula sa row 1.. hay bute nalang nsa row 4 ako.. oh oh oh wala sa row ang talino hindi totoo yung kantang "row 4 nabobopol"  nandun ako kasi nilapit ng lola ko yung upuan ko sa kanya pra daw masubaybayan ako.

Eto na talaga... ako na ang pababasahin.... tugs tugs.... tugs tugs... tunog ng heartbeat yan  ndi ko alam ang sound effects nung e...

tugs tugs.... tugs tugs... kabadong kabado ako... pero handang handa na kong mapahiya sa harap ng mga lutang kong kaklase.. tugs tugs.... tugs tugs... binuklat na ni lipstick woman at pahina ng libro... (napapikit ako) .. at sinabi nya(in super malanding tone) " sige nga basahin mo to" *kindat* haha joke lng walang kindat yun..

Pagdilat ko.. nakita ko ang pahina ng libro.. ang unang napansin ko ay ang batang nakadrawing before yung tula (english yung book e ndi ko na tanda yung title nung tula) ay teka kabisado ko to ah.. haha nagkataong yung tula na yun ay kakatapos lang ipakabisa ng lola ko sa amin.. ang laki ng ngiti sa muka ko nanaman... naisip kong yes may pagkakataon na pala akong makatakas sa puder ng lola ko na laging nakabantay sa akin.. haha this is it pansit.. itinuro ni lipstick woman ang unang mga salita (in slowmo)... natigil ako.... hindi ko mabasa.. lols hanggang sa si lipstick woman na ang nagbasa.. nung binasa na ang unang salita ay bigla kong naalala ang mga kasunod nito.. hanggang sa nagtuloy tuloy at inakala ni lipstick woman na marunong talaga ako magbasa. Hangang hanga sya sa sakin. Nadinig ko pa syang nagsabi na ang galing ng batang ito, bat nandito to? Sayang to. Tpos ay kinausap nya si lola... hindi ko alam ang pinag usapan nila pero after nun lumapit sakin si teacher na hindi nababawasan ang lipstick khit walang tigil ang salita.. sabi nya

"BUKAS SA SECTION 1 KA NA HA?"

OMG! Haha anong ginawa ko!? Haha tama lng ba talaga ang ginawa kong iyon o baka pagsisihan ko lang..?! pano na ang circle of friends ko?! Mababawasan ang mga tulala boys... pero wala akong magagawa ngyare ay nangyare... bahala na..

Pag uwi ko mag isa.. Oo grade 2 na ko e pwede na ko maglakad sa kalsada haha..

Mabilis pa sa cheetah ang balita ng pagpapalipat sa akin ng section.. naikwento agad ng pinsan ko (na isa sa mga tulala boys) sa nanay ko na ililipat na ko sa section 1...

Pagdating ko sa bahay isang naghuhumiyaw na ngiti ang salubong ng nanay ko... (OMG ano ba tlga tong ginawa ko)... sa sobrang tuwa ng nanay ko nag pauwi sya sa tatay ko ng laruan pra daw sa akin..( yehey ok na dn pla ). Pagdating ng tatay ko salubong agad ako pra kunin yung laruan ko.. nanakita ko xa.. todo ngiti din! Tapos may inabot sa akin sabay puri ang galing ko daw... pagbukas ko ng plastic Jusmeyo marimar.. Bola ng basketball (yung pang bata lng).... tay?! Mukha ba kong nagbabasketball?! May phobia nga ko sa bola e!

Tapos.

Paniki

Hinding hindi ko makakalimutan ang araw na nakipag-deal ako sa kapatid kong tiburcio dahil sa isang hinayupak na paniki na iyon!

Tandang tanda ko pa, grade 1 pa lang ako nuong panahon na iyon, nsa bakuran lang namin ako, nakasalampak sa sahig sa tabi ng kanal at nanghuhuli ng "babuyan". Ewan ko kung saan nila napulot ang name na yun pero sila yung karaniwang nakikita sa mga kanal yung parang hindi pa lutong shrimp na tumatalon talon sa kanal. sabado at wala kaming pasok. Nang dumating ang kapatid kong si "An an", oo An An tlga naging palayaw nya, Marianne kasi totoong pangalan nya tapos ngayon pilit na nyan binabaon sa lupa ang palayaw nyang yun...Yhan yhan na raw ang pangalan nya ngayon. Well mas ok pa din sakin yun An An haha mas Cool at MAKATI pakinggan.

Ok balik sa kwento, edi dumating na nga si kapatid ko kasama ang mga basagulerong lalaki naming mga pinsan, ang angas ng dating. Parang pang intro ng bida sa movie ang pagpasok nila sa bakuran.. lumapit sakin si kapatid.

"May nakita kaming Paniki, Dun sa may Gate ng school". Sabi nya

Dahil ako yung tipo ng bata na curious sa lahat ng bagay at gagawin ko ang lahat masatisfy lang ang curiosity ko. Nung nadinig ko yun sa kapatid ko bigla ko ginustong makita yung hinayupak na paniki na yun!.. dahil hindi ako laging pinalalabas ng bahay ni nanay never pa ko nakakita ng paniki at handa akong gawin ang lahat para lamang makakita kahit yung patay na paniki na yun.

Noong panahon kasi na yun ang turo ng mga ate ko sa amin, hindi pa daw ako pwedeng lumakad mag isa sa kalsada dahil grade 1 palang daw ako, dahil ako si masunurin ang tingin ko sa kalsada at prang isang nakakatakot na shadow realm (napulot ko lang to sa nabasa kong book) kaya ayun pag grade 2 na daw ako saka palang ako pwede sa kalsada.at dahil si an an ay grade 2 na nun. Sa paniniwala ko sya palang ang pwedeng lumabas at makapaglakad sa kalsada, kung gusto kong makalabas dapat ay may kasama akong qualified na.

Hindi ako mapakali dahil naisip kong baka mawala yung paniki dun sa lugar kung saan sya nakita nila An An at tropapips nya kaya kinausap ko si kapatid ko

"An An gusto kong makita yung paniki" sbi ko.

Putikan ang paa ni  an an dahil naglaro sa tabing bukid ng eskwelahan

"Ikuha mo ko ng tubig pang hugas ko ng paa" sabi nya.

Kumuha ako ng isang tabong tubig mejo mabigat yun pra sa patpatin kong katawan nung grade 1.

Matapos ang nakakapagod na paghuhugas ng paa ng prinsipe/prinsesa kong kapatid ay nagugutom naman daw sya.. at dahil alam nyang lagi ako nagtatabi ng ampaw na bilog na laging inuuwi samin ng tatay ko after nyang magpasok ng lotto nya.. alam kong un ang hinaharana ng hinayupak, pamasok aq sa loob ng bhay at kinuha yung ampaw ko sa sikreto kong taguan (hindi ko pa alam na super expose pla yung taguan ko na yun bata pa kasi ako kaya feeling ko tago na talaga ang gamit ko dun) at inabot sa kanya.

Nsa isip ko, ok na yan hinayupak ka at isama mo na ko ng makakita na ko ng paniki sa personal..

Nang bigla syang nagtanong. Hinding hindi ko makakalimutan ang tanong nyang iyon... "Sino ang Crush mo sa mga klasmate mo?". Grabe ang kapatid ko ang agang shumoshowbiz sa buhay ko. Haha, sobrang hirap mag desisyon pra sa akin ng panahon na yun..

Gusto ko talagang makita ang paniki pero ayaw kong mareveal ang super duper crush ko nung grade 1, oo grade 1 palang makire na ko... joke haha..

"Oh, ano sino nga? Bahala ka hindi kita dadalhin dun sa paniki, ang astig pa naman nun"

Gustong gusto ko talaga makita yung hinayupak na paniki na yun!!..kaya pikit mata ko ng sinabi yung name ng crush ko "Ma** **se".

Edi ayun na. Sinama na ko ni kapatid... hindi maiguhit ang saya sa aking mukha ng oras na yun. Wag ko lang maaalala na sinabi ko sa kapatid ko ang ultimate crush kong klasmate.

Nang dumating kami sa crime scene, Oo crime scene talaga kasi buto nalang ang inabutan namin at ang baho na nya.. tapos yung makikita mo nalang ang korte nya dahil sa naireplica na ng mga langgam ang trueform nya..

Mejo na disapoint ako sa nakita ko at hindi ineeskpek na ganun ka walang kwenta magaling lang talaga mag exaggerate ang ate/kuya kong si An An. Well wala na kong magagawa, na reveal na agad ang unang sikret sa buhay ko dahil sa walang kwentang paniki na yun.

Pagdating namin sa bakuran ay agad agad ipinag kalat ng mokong ang sikreto ko.. galit ako sa kanya nun. Dalawang araw ko siyang hindi bati, oo dalawang araw lang kasi pagatlong araw may pasok na at sya ang naghahatid sken sa school kaylangan kong lunukin ang pride ko (may pride agad?)  dahil wala akong baon pag hindi ako pumasok haha